დღე მე-9

          დღეს ჩვენი მუშაობის ბოლო დღეა. დავასრულეთ გეგმის შევსება, ტრენერის მითითებით გამოვასწორეთ ხარვეზები, რის შემდეგაც რამდენიმე მონაწილემ წარმოადგინა პრეზენტაცია. პრეზენტაციამ წარმატებით ჩაიარა, გავეცანით კოლეგების ნამუშევრებს, რაც ძალიან საინტერესო აღმოჩნდა.
          პროექტის დასრულებამდე  ბევრი ვიმუშავეთ, მაგრამ მუშაობის პროცესი იყო ძალიან საინტერესო და ნაყოფიერი. ,,პროექტებით სწავლებას'' აუცილებლად დავნერგავ სასწავლო პროცესში, ვფიქრობ, ბავშვებისთვის სწავლა უფრო საინტერესო და ხალისიანი გახდება. მათ ექნებათ საშუალება თავიანთი ნამუშევარი აუდიტორიას გააცნონ. ჩვენს ტრენერს დიდ მადლობას გადავუხდი, დახმარებისთვის და დაუღალავი შრომისთვის.   

დღე მე-8

დღე ისევ დავალების განხილვით დავიწყეთ და დავამთავრეთ გეგმაში დიფერენცირებული სწავლების შევსება. შემდეგ ვისწავლეთ yuetobe-დან ვიდეოს გადმოწერა და ბლოგზე განთავსება, ასევე ჩვენი ვიდეოს ატვირთვა. ჩვენი მუშაობა დასასრულს უახლოვდება, ჩვენ გვევალება ყველა დავალების დასრულება და დისკზე ატვირთვა. პრეზენტაციისთვის ვემზადებით.

ათონის წმინდა მთა

დღე მე-7

მეშვიდე დღე კვლავ დავალების განხილვით დავიწყეთ. გავაგრძელეთ გეგმის შევსების შესწავლა. დღეს ვისწავლეთ, როგორ შევავსოთ პროექტის გეგმაში შეფასების ინსტრუმენტების მოკლე მონახაზი და საბაზისო უნარ-ჩვევები. გავიხსენეთ ბლოგზე გვერდის დამატება და შევქმენით ახალი გვერდი__ პორტფოლიო, რომელშიც  განვათავსეთ საქაღალდეები და გადავიტანეთ პროექტთან დაკავშირებული ყველა დოკუმენტი, ყოველივე ავტვირთეთ დისკზე. ასევე დღეს ვისწავლეთ დისკზე არსებული დოკუმენტების ბლოგზე გაზიარება. ჩვენი დავალებაა მეექვსე და მეშვიდე მოდულის წაკითხვა და ამის მიხედვით გეგმის დიფერენცირებული სწავლების შედგენა. ამით ვასრულებთ ჩვენი პროექტის გეგმის შედგენას.

დღე მე-6

             დღევანდელი დღე კიდევ უფრო ნაყოფიერი იყო. გადავხედეთ სლაიდის ნიმუშებს და გავითვალისწინეთ რჩევები, ერთმანეთს გავუზიარეთ აზრები. დღეს გავეცანით სახელმძღვანელოში V მოდულს, რაც გულისხმობს ჯგუფური მუშაობის დასრულებისას დავალების შემოწმებას და შეფასებას. ამის შემდეგ ვისწავლეთ ,,ვიცი,მინდა ვიცოდე, ვისწავლე" სქემის შედგენა. რომელსაც პროექტზე მუშაობის  დასაწყისში გამოვიყენებთ.
ინდივიდუალური ტესტირებით დავადგენთ მოსწავლის წინარე ცოდნას, მისთვის საინტერესო კითხვარს და შევაფასებთ მასალის ათვისებას. ამის შემდეგ ვისწავლეთ ბლოგში ,,დრაივი" ანუ ბლოგის ინტერნეტული მეხსიერების გამოყენება. ეს საკითხი ჩემთვის ახალი იყო. შევქმენი დრაივში ახალი საქაღალდეები, რომლებიც გამომადგება პროექტზე მუშაობისას.
             გაცეცანით კოლაბორაციული შეფასების სქემას და პრეზენტაციის რუბრიკებს. რომელთა შეცვლა შეგვიძლია პროექტის საჭიროების მიხედვით. აღნიშნული სქემები დაგვეხმარება პროექტზე მუშაობის დასრულებისას შეფასებაში. როგორც ყოველთვის დღესაც უამრავი დავალება მოგვცა გიორგიმ, მაგრამ წარმატებით გავართმევთ თავს, ხომ მეთანხმებით კოლეგებო?     

დღე მე-5

           დღევანდელი დღე საინტერესო იყო. განვიხილეთ საშინაო დავალება, გავეცანით კოლეგების მიერ მომზადებულ სლაიდებს. ვაგრძელებთ ბლოგის ინსტრუმენტების შესწავლას, დღეს ვისწავლეთ ბლოგზე კომენტარების გაკეთება, რაც დაგვეხმარება იმაში, რომ ერთმანეთს გავუზიაროთ საკუთარი მოსაზრება.ასევე პროექტზე მუშაობისას მოსწავლეებს მივცემთ რჩევას.int-ის სახელმძღვანელოში გავეცანით საიტების საავტორო უფლებების დაცვას, ყოველივე გამოგვადგება საიტის სწორად გამოყენებისთვის.
          ჩვენი დავალებაა პროექტის შესრულების დროს მოსწავლისთვის მისაცემი  დავალების მომზადება, ეს იქნება ბროშურა, სლაიდი ან გაზეთი, რომლის განხორციელებისთვის აუცილებელია ჩეკლისტის მომზადება.  მოსწავლე მითითებული ჩეკლისტის მიხედვით ამზადებს საპრეზენტაციო დავალებას. ჩემ მიერ შერჩეული დავალება იქნება სლაიდ-შოუ. რაც ძალიან მომწონს, იმედია ბავშვებიც ხალისით მოამზადებენ დავალებას. ნახვამდიიიიიიის! 

დღე მე-4

        გავარჩიეთ საშინაო დავალება,ამასთან დაკავშირებით გავითვალისწინებთ ტრენერის რჩევებს.  ამის შემდეგ ვისწავლეთ ბლოგში ინსტრუმენტის დამატება, ვქმნით ბლოგში სასურველ  ,,გაჯეტებს". ჩემი ბლოგის მენიუს დავამატე ორი გვერდი ,,ჩემ შესახებ" და ,,ფოტო გალერეა". მომავალში დავამატებ საჭირო გვერდს, რომ უფრო საინტერესო და სრულყოფილი გახდეს ჩემი ბლოგი. ასევე დღეს დავასრულეთ  ბროშურის ელექტრონული ვერსიის გეკეთება. შევქმენით პროექტთან დაკავშირებული ბროშურა, რომელსაც დავასრულებთ სახლში და გადავუგზავნით ტრენერს. ვისწავლეთ სლაიდის შექმნა და ამის დახმარებით პრეზენტაციის გაკეთება. სახლში ვასრულებთ ჩვენი პროექტის პრეზენტაციისთვის სლაიდს.                          

დღე მე-3

             ვისწავლეთ ბლოგის შექმნა და მასში სხვადასხვა ხელსაწყოს გამოყენება.
 გავეცანით    ბლოგის დიზაინის ცვლილებას,  მოცულობის შეცვლას. რაც  გამომადგება  სხვადასხვა ბლოგის შექმნის დროს, ასევე ამ პროექტზე მუშაობის დროს. ვაგრძელებთ პროექტის შაბლონის შევსების შესწავლას, დღეს ვისწავლეთ მიმართულების მიმცემი საკვანძო კითხვების შექმნა და მისი გამოყენება. ვიმუშავეთ ჯგუში და მოვამზადეთ მიმართულების მიმცემი საკვანძო კითხვები, რაც გულისხმობს ზოგად, თემატურ და შინაარსობრივ კითხვებს. ჯგუფური მუშაობის შემდეგ დავიწყეთ ინდივიდუალური სამუშაო ჩვენ მიერ შერჩეულ პროექტთან დაკავშირებით. პროექტის ფარგლებში შევიმუშავე  ზოგადი, თემატური და შინაარსობრივი კითხვები.

დღე მე-2

            მეორე დღეს გავაგრძელეთ პროექტის შაბლონში მუშაობა.  ვისწავლეთ ეროვნული სასწავლო გეგმიდან ინდიკატორების კოპირება შაბლონის თემის საფუძვლებში  და  21-ე საუკუნის უნარ-ჩვევების კოპირება.  ვისწავლეთ intel-ის  სახელმძღვანელოს მიხედვით ბუკლეტების შექმნა. რომელსაც სახლში დავასრულებთ. ბუკლეტების მომზადების სწავლა დაგვეხმარება იმაში, რომ ჩვენი პროექტის შესახებ ინფორმირებული იყოს საზოგადოება, მოსწავლეები, მშობლები, მასწავლებლები.
          სახლში ვაგრძელებთ შაბლონში მუშაობას, ვავსებთ შეფასების დროის ჩარჩოს. დავალებაში იგულისხმება მასწავლებლის აქტივობა პროექტის განხორციელების დასაწყისში__ რა იციან მოსწავლეებმა და რას შეისწავლიან თემის ირგვლივ. პროექტზე მუშაობისას მასწავლებლის დაკვირვება__ მითითება შესასრულებელი დავალების და მოსწავლეებისთვის რჩევების მიცემა, პროექტის დასასრულს კი პრეზენტაციის მოსმენა და შეფასება.

დღე 1-ლი

       გავიხსენეთ  ფოსტასთან მუშაობა, რაც დაგვეხმარება სამუშაო პროცესის წარმართვაში. დავიწყეთ პროექტზე მუშაობა ელექტრონული საიტების გამოყენებით. ჩავიწერეთ პროექტზე მუშაობისთვის საჭირო საიტები.  ვისწავლეთ intel-ის  სახელმძღვანელოთი სარგებლობა, რაც დაგვეხმარება ჩვენ მიერ შერჩეული პროექტის განხორციელებაში. გავეცანით პროექტის გეგმის შაბლონს. შევარჩიეთ პროექტის თემა, ვფიქრობ თემა საინტერესო იქნება მოსწავლეებისთვის და ინტერესით ჩაერთვებიან მუშაობაში.
        წარმატებას ვუსურვებ კოლეგებს და საკუთარ თავს!